جدہ: سعودی عرب نے واضح کیا ہے کہ ملکی سلامتی اور خود مختاری کے تحفظ کے لیے ہر قسم کے اقدامات کا حق محفوظ رکھتے ہیں۔ یہ اعلان خلیج میں بڑھتی کشیدگی کے دوران سعودی ولی عہد شہزادہ محمد بن سلمان کی زیر صدارت ہونے والے ورچوئل کابینہ اجلاس کے بعد کیا گیا۔ اجلاس میں سعودی حکام نے کہا کہ سعودی عرب ملکی سلامتی کے تحفظ کیلئے ہر قسم کے اقدامات کا حق محفوظ رکھتے ہیں تاکہ ملک اور عوام کی حفاظت کو یقینی بنایا جا سکے۔
کابینہ نے سعودی فضائی دفاعی نظام کی اعلیٰ صلاحیتوں کو سراہا اور کہا کہ اس نے تنصیبات کو نشانہ بنانے کی تمام کوششوں کو کامیابی سے ناکارہ بنایا۔ حکام نے بتایا کہ دفاعی نظام نے شہری علاقوں اور اہم انفراسٹرکچر کی حفاظت میں کلیدی کردار ادا کیا ہے۔
سعودی کابینہ نے ایران کے سعودی عرب، خلیجی ممالک اور دیگر عرب ممالک پر حملوں کی سخت مذمت کی۔ انہوں نے کہا کہ شہری اہداف اور تیل کی تنصیبات پر حملے عالمی قوانین کی کھلی خلاف ورزی ہیں۔ کابینہ نے خطے میں امن اور استحکام کے تحفظ کے عزم کو دہرایا۔
مزید پڑھیں: ایران اپنی غلطیاں نہ دہرائے، ترک صدر رجب طیب اردوان کی سخت وارننگ
سعودی حکام نے خلیج تعاون کونسل اور یورپی یونین کے مشترکہ وزارتی اجلاسوں کی اہمیت کو سراہا۔ انہوں نے عرب لیگ کے وزرائے خارجہ اجلاس کی بھی تعریف کی، جس میں ایرانی جارحیت کے خلاف مذمتی قراردادیں منظور کی گئیں، اور کہا کہ یہ خطے کی سلامتی کے لیے اہم ہیں۔
اختتام پر سعودی عرب نے دوبارہ واضح کیا کہ ملک اور اس کے اتحادیوں کی حفاظت کے لیے اقدامات جاری رکھے جائیں گے۔ کابینہ نے زور دیا کہ سعودی عرب ملکی سلامتی کے تحفظ کیلئے ہر قسم کے اقدامات کا حق محفوظ رکھتے ہیں اور کسی بھی خطرے کے خلاف چوکس رہیں گے تاکہ ملک کی خود مختاری اور خطے کے امن کو برقرار رکھا جا سکے۔
