ایرانی صدر مسعود پزشکیان نے اسرائیل اور امریکا کے ساتھ جنگ بندی کے لیے تین اہم شرائط رکھ دی ہیں۔ سوشل میڈیا پر جاری بیان میں انہوں نے کہا کہ ایران کے آئینی حقوق تسلیم کیے جائیں، جنگ میں ایران کے نقصانات کا ہرجانہ ادا کیا جائے، اور عالمی طاقتیں آئندہ ایران کے خلاف کسی بھی جارحیت کی ضمانت دیں۔ ماہرین کے مطابق مسعود پزشکیان کی جنگ بندی کے تین اہم شرائط ایران کے خطے میں مضبوط موقف اور سفارتی حکمت عملی کو ظاہر کرتی ہیں۔
صدر پزشکیان نے کہا کہ انہوں نے روسی صدر ولادیمیر پیوٹن اور پاکستانی وزیراعظم شہباز شریف سے بات چیت کے دوران خطے میں امن کے لیے ایران کے عزم کو ایک مرتبہ پھر دُہرایا ہے۔ انہوں نے کہا کہ مذاکرات اور بات چیت کے ذریعے خطے کے مسائل حل کرنا ضروری ہے۔
دوسری جانب ایرانی پاسداران انقلاب گارڈز نے خبردار کیا ہے کہ اگر ایرانی بندرگاہوں کو نشانہ بنایا گیا تو علاقائی ممالک کی بندرگاہوں کو بھی نشانہ بنایا جائے گا۔ انہوں نے کہا کہ کوئی بھی ملک خود کو اس بحران سے الگ نہیں کر سکتا اور ایران فتح حاصل کرنے تک اپنی کارروائیاں جاری رکھے گا۔
مزید پڑھیں: ڈونلڈ ٹرمپ: ایران کو کبھی ایٹمی ہتھیار حاصل کرنے نہیں دوں گا
پاسداران انقلاب گارڈز نے مزید کہا کہ ایران کے حملے دشمنوں کے لیے ایک واضح پیغام ہیں اور ایران اپنی خودمختاری اور خطے کے مفادات کا دفاع جاری رکھے گا۔
پینٹاگون حکام نے امریکی میڈیا سے گفتگو میں کہا کہ اس وقت آبنائے ہرمز میں جنگی جہاز بھیجنا انتہائی خطرناک ہے۔ تجزیہ کاروں کے مطابق مسعود پزشکیان کی جنگ بندی کے تین اہم شرائط خطے میں ایران کی سفارتی اور عسکری حکمت عملی کو واضح کرتی ہیں اور عالمی طاقتوں کے لیے واضح پیغام دیتی ہیں۔
