خیبرپختونخوا کابینہ اجلاس ملتوی، نئی تاریخ کا اعلان جلد متوقع

خیبرپختونخوا کابینہ کا آج ہونے والا اہم اجلاس اچانک ملتوی کر دیا گیا ہے جس کے بعد نئی تاریخ کا اعلان بعد میں کیا جائے گا۔

ذرائع کے مطابق کابینہ کا 51 واں اجلاس آج طلب کیا گیا تھا جس میں صوبے کے اہم انتظامی اور پالیسی امور پر غور ہونا تھا، تاہم اسے غیر معینہ مدت کے لیے مؤخر کر دیا گیا۔

ذرائع کا کہنا ہے کہ اجلاس وزیراعلیٰ کی مصروفیات کے باعث ملتوی کیا گیا، جس کے سبب اجلاس کو شیڈول کے مطابق منعقد نہیں کیا جا سکا۔

خیبرپختونخوا میں سرکاری ملازمین کی غیر ملکیوں سے شادی پر نئی پابندیاں

یہ اجلاس صوبائی حکومت کے لیے نہایت اہمیت کا حامل تھا کیونکہ اس میں مختلف ترقیاتی منصوبوں، مالی معاملات اور انتظامی فیصلوں پر غور کیا جانا تھا۔

تجزیہ کاروں کے مطابق کابینہ اجلاس کا ملتوی ہونا بعض اہم فیصلوں میں تاخیر کا باعث بن سکتا ہے، جس کے اثرات حکومتی کارکردگی پر بھی پڑ سکتے ہیں۔

تاہم حکام کا کہنا ہے کہ اجلاس کی نئی تاریخ جلد جاری کر دی جائے گی اور تمام زیر التوا معاملات پر جلد غور کیا جائے گا۔