پاکستان پیپلز پارٹی کے چیئرمین بلاول بھٹو زرداری نے کہا ہے کہ وہ سندھ حکومت اور میئر کراچی کی کارکردگی سے مطمئن ہیں۔ پارلیمانی پارٹی کے اجلاس سے خطاب کرتے ہوئے انہوں نے کہا کہ موجودہ حالات کے باوجود عوام کی خدمت کے لیے اقدامات جاری ہیں اور حکومت اپنی ذمہ داریاں پوری کرنے کی کوشش کر رہی ہے۔ انہوں نے واضح کیا کہ سندھ حکومت اور میئر کراچی کی کارکردگی بہتر ہے اور اسی بنیاد پر عوام کو مزید سہولتیں فراہم کی جائیں گی۔
بلاول بھٹو زرداری کی سربراہی میں ہونے والے اجلاس میں صدر آصف علی زرداری اور آصفہ بھٹو زرداری بھی شریک ہوئے۔ اجلاس کے دوران صدر آصف علی زرداری نے وزیراعلیٰ سندھ اور ان کی کابینہ پر اعتماد کا اظہار کیا اور ہدایت کی کہ مشکل حالات کے باوجود عوام کو زیادہ سے زیادہ ریلیف فراہم کیا جائے۔
بلاول بھٹو زرداری نے کہا کہ پیپلز پارٹی کا مقصد مسائل پیدا کرنا نہیں بلکہ مسائل کو حل کرنا ہے۔ ان کا کہنا تھا کہ ہم آگ لگانے والے نہیں بلکہ آگ بجھانے والوں میں شامل ہیں۔ انہوں نے گل پلازا سانحے کے دوران کام کرنے والوں پر ہونے والی تنقید کو بھی ناقابل فہم قرار دیا۔
یہ بھی پڑھیں: صدر آصف علی زرداری کا افغان حکومت پر پاکستانی شہریوں کو نشانہ بنانے کی سخت مذمت
انہوں نے مزید کہا کہ کچھ لوگ کراچی میں جیالا میئر کو برداشت نہیں کر پا رہے، اسی وجہ سے میئر مرتضیٰ وہاب کو تنقید کا نشانہ بنایا جاتا ہے۔ بلاول بھٹو زرداری نے کہا کہ وہ میئر کی کارکردگی سے مطمئن ہیں اور جلد کراچی میں ترقیاتی منصوبوں کا آغاز کیا جائے گا۔
بلاول بھٹو زرداری نے کہا کہ سندھ حکومت اور کراچی میٹروپولیٹن کارپوریشن پروپیگنڈے کا جواب اپنی کارکردگی سے دیں گے۔ انہوں نے ایک بار پھر واضح کیا کہ سندھ حکومت اور میئر کراچی کی کارکردگی قابل اطمینان ہے اور عوام کی خدمت کے لیے کام جاری رکھا جائے گا۔
