پاکستان کی جدید سیٹلائٹ خلا میں بھیجنے کی تیاری مکمل

پاکستان نے سائنس اور ٹیکنالوجی کے میدان میں ایک اور بڑا قدم اٹھا لیا ہے۔ ملک کا پہلا جدید ہائپر اسپیکٹرل سیٹلائٹ اکتوبر 2025 میں خلا میں روانہ کیا جائے گا۔

اس سیٹلائٹ کے ذریعے معدنی وسائل کی تلاش، زراعت کی ترقی، سیلاب کی نگرانی، گلیشیئرز کے پگھلنے اور فضائی آلودگی پر تحقیق میں نئی راہیں کھلیں گی۔

یہ منصوبہ سپارکو کے تحت تیار کیا گیا ہے۔ چیئرمین سپارکو محمد یوسف خان کے مطابق یہ سیٹلائٹ معدنیات، مٹی، پانی اور پودوں کے معیار کے درست اعداد و شمار فراہم کرے گا۔

ان کا کہنا تھا کہ جہاں پہلے سروے مکمل ہونے میں برسوں لگتے تھے، اب یہ چند دنوں میں ممکن ہوگا۔

پاکستان نے خلائی میدان میں ایک اور اہم سنگ میل عبور کرنے کی تیاری کر لی ہے۔ اکتوبر 2025 میں ملک کا پہلا جدید ہائپر اسپیکٹرل سیٹلائٹ خلا میں روانہ کیا جائے گا۔ یہ سیٹلائٹ معدنی وسائل کی تلاش، زراعت کی ترقی، سیلاب کی نگرانی، گلیشیئرز کے پگھلنے اور فضائی آلودگی پر تحقیق میں معاون… pic.twitter.com/ZjsMy0xeDI

— 365 News (@365dotNews) September 25, 2025

انہوں نے مزید کہا کہ یہ ٹیکنالوجی قدرتی وسائل کے مؤثر استعمال اور پالیسی سازوں کو بروقت فیصلے کرنے میں مدد دے گی۔ پاکستان کا یہ قدم اسے خطے میں خلائی ٹیکنالوجی کا ایک مضبوط مرکز بنانے میں مددگار ثابت ہوگا۔