ٹرمپ نے خود کو یسوع مسیح کے طور پر دکھانے والی اے آئی تصویر حذف کردی

امریکی صدر ڈونلڈ ٹرمپ نے شدید تنقید کے بعد اپنی اے آئی سے تیار کردہ وہ تصویر ڈیلیٹ کردی جس میں انہوں نے خود کو یسوع مسیح کے طور پر پیش کیا تھا۔

یہ تصویر ٹرمپ کے سوشل میڈیا پلیٹ فارم ٹرتھ سوشل پر شیئر کی گئی تھی جس کے بعد شدید ردعمل سامنے آیا۔

مسیحی رہنماؤں اور مذہبی حلقوں نے اس تصویر کو توہین آمیز قرار دیتے ہوئے اس پر سخت اعتراض کیا۔

یہ متنازع پوسٹ تقریباً 12 گھنٹے تک آن لائن رہی اور اس دوران سوشل میڈیا پر وائرل ہوگئی۔

پوپ لیو نے ٹرمپ تنقید کے باوجود جنگ مخالف مؤقف برقرار رکھا

تنقید کے بعد ٹرمپ نے اس تصویر کا دفاع کرتے ہوئے کہا کہ وہ خود کو ایک ڈاکٹر یا فلاحی کارکن کے طور پر دکھانا چاہتے تھے۔

تاہم ناقدین نے اس وضاحت کو مسترد کرتے ہوئے کہا کہ تصویر میں موجود روشنی اور انداز یسوع مسیح کی روایتی عکاسی سے مشابہ تھا۔

ماہرین کے مطابق یہ واقعہ اے آئی کے استعمال اور مذہبی حساسیت کے حوالے سے ایک نئی بحث کو جنم دے رہا ہے۔

یہ معاملہ اس بات کی نشاندہی کرتا ہے کہ ڈیجیٹل مواد کی تخلیق میں ذمہ داری اور احتیاط انتہائی ضروری ہے۔