جنوبی افریقا میچ کے بعد بھارتی ٹیم پر جرمانہ

عالمی کرکٹ کونسل نے بھارت کے خلاف ایک اہم اعلان کیا ہے جس کے تحت آئی سی سی نے بھارتی کرکٹ ٹیم پر جرمانہ عائد کر دیا۔ یہ فیصلہ حال ہی میں سلو اوور ریٹ کی خلاف ورزی پر کیا گیا اور اس کا اثر بھارتی کھلاڑیوں کی میچ فیس پر پڑے گا۔

آئی سی سی کے مطابق بھارتی ٹیم نے رائے پور میں جنوبی افریقا کے خلاف دوسرا ون ڈے کھیلتے ہوئے مقررہ وقت میں اوورز مکمل نہیں کیے۔ بھارتی بولرز دو اوور کم کر پائے جس پر قانون کے مطابق کارروائی کی گئی۔

آئی سی سی کے ضابطہ اخلاق کے تحت ہر اوور کم ہونے پر کھلاڑیوں پر میچ فیس کا پانچ فیصد جرمانہ ہوتا ہے۔ اس میچ میں دو اوور کم ہونے پر بھارتی ٹیم کو مجموعی طور پر دس فیصد فیس کا جرمانہ ادا کرنا پڑے گا۔

مزید پڑھیں: ایشیز سیریز کے دوسرے ٹیسٹ میں آسٹریلیا نے انگلینڈ کو 8 وکٹوں سے شکست دے دی

بھارتی کپتان کے ایل راہول نے اس خلاف ورزی کو تسلیم کر لیا اور بغیر کسی اعتراض کے جرمانہ قبول بھی کر لیا۔ آئی سی سی کا کہنا ہے کہ یہ قوانین کھیل کو مقررہ وقت میں مکمل کروانے کے لیے بنائے گئے ہیں۔

واضح رہے کہ اس میچ میں جنوبی افریقا نے 359 رنز کا ہدف چار وکٹوں سے حاصل کر لیا تھا۔ اس شکست کے ساتھ سلو اوور ریٹ کی سزا بھی بھارتی ٹیم کے لیے خبر بنی اور ایک بار پھر آئی سی سی نے بھارتی کرکٹ ٹیم پر جرمانہ عائد کر دیا بحث کا موضوع بن گیا۔