پنجاب اسمبلی میں وزیراعظم اور آرمی چیف کے نوبیل انعام کے لیے قرارداد جمع

پنجاب اسمبلی میں ایک اور قرارداد جمع کرائی گئی ہے جس میں وزیراعظم شہباز شریف اور فیلڈ مارشل عاصم منیر کو نوبیل امن انعام کے لیے نامزد کرنے کی سفارش کی گئی ہے۔

یہ قرارداد حکومتی رکن عظمیٰ کاردار نے جمع کروائی۔

قرارداد کے متن کے مطابق پاکستان کی قیادت کو عالمی کشیدگی کم کرنے اور امن کے فروغ میں کردار ادا کرنے پر خراج تحسین پیش کیا گیا ہے۔

اس میں نائب وزیراعظم اسحاق ڈار سمیت پوری سفارتی ٹیم کی کوششوں کو بھی سراہا گیا ہے۔

قرارداد میں دعویٰ کیا گیا ہے کہ پاکستان نے امریکا اور ایران کے درمیان کشیدگی کم کرنے میں اہم کردار ادا کیا۔

اس کے مطابق عالمی برادری، بشمول امریکہ کے سابق صدر ڈونلڈ ٹرمپ، برطانیہ، یورپی ممالک اور کینیڈا نے پاکستان کی سفارتی کوششوں کو سراہا ہے۔

قرارداد میں پاکستان کو خطے میں امن کا ضامن اور مسلم دنیا کی امید قرار دیا گیا ہے۔

اس میں 10 اپریل کے اسلام آباد مذاکرات کو بھی اہم پیش رفت کہا گیا ہے۔

قرارداد کے آخر میں مطالبہ کیا گیا ہے کہ وزیراعظم شہباز شریف اور آرمی چیف عاصم منیر کو نوبیل انعام کے لیے نامزد کیا جائے۔