یاسر حسین کا کراچی کے کھلے مین ہول کے معاملے پر سخت ردعمل

پاکستانی اداکار اور ہدایتکار یاسر حسین نے کراچی میں کھلے مین ہول کے باعث ہونے والی حالیہ ہلاکت پر شدید غم اور غصے کا اظہار کیا ہے۔ انہوں نے کہا کہ ڈھکن کرپشن پر لگانا ہوگا، صرف گٹر پر نہیں، کیونکہ اصل مسئلہ بدعنوانی اور لاپرواہی ہے۔

یہ واقعہ اس وقت سامنے آیا جب گلشن اقبال میں نیپا چورنگی کے قریب 3 سالہ بچہ کھلے مین ہول میں گر کر جاں بحق ہوگیا۔ بچے کی لاش 14 گھنٹے بعد تقریباً ایک کلومیٹر دور نالے سے ملی، جس نے شہریوں کو شدید غصے میں مبتلا کردیا۔

اس افسوسناک واقعے کے بعد شہریوں نے سندھ حکومت اور میئر کراچی پر سخت تنقید کی اور سوال اٹھایا کہ شہر میں مین ہولز پر ڈھکن کیوں نہیں لگائے جاتے۔ لوگوں نے کہا کہ یہ غفلت بار بار جانیں لے رہی ہے مگر کوئی ذمہ داری قبول کرنے کو تیار نہیں۔

مزید پڑھیں: ماہرہ خان کا ماضی سے متعلق جذباتی بیان

شوبز شخصیات نے بھی اس معاملے پر آواز اٹھائی۔ یاسر حسین نے انسٹاگرام اسٹوری میں لکھا کہ “ڈھکن گٹر پر نہیں، کرپشن پر لگانا ہوگا، پاکستان زندہ باد”، جسے سوشل میڈیا پر بھرپور توجہ ملی۔

واضح رہے کہ رواں سال کراچی میں اب تک 24 شہری، جن میں 5 بچے بھی شامل ہیں، کھلے نالوں اور گٹروں میں گر کر جان سے جاچکے ہیں۔ اس صورتحال نے ایک بار پھر ثابت کیا ہے کہ اصل اصلاح وہاں کرنی ہے جہاں ڈھکن کرپشن پر لگانا ہوگا تاکہ ایسے واقعات دوبارہ نہ ہوں۔